Լեհաստանը գործնականում դադարեցրել է վիզաներ տրամադրել ռուսաստանցիներին

Լեհաստանի հյուպատոսական հաստատությունները Ուկրաինայում հատուկ գործողության մեկնարկից հետո բազմակիորեն կրճատել են ռուսաստանցիներին տրվող մուտքի արտոնագրերի քանակը, հայտնում է Polska Times-ը:

«Փետրվարի 24-ից մինչև օգոստոսի 9-ը ռուսաստանցիներին տրվել է 4513 վիզա»,- գրում է լեհական պարբերականը՝ հղում անելով երկրի ԱԳ նախարարությանը:

Համեմատության համար նշվում է, որ անցյալ տարի ՌԴ քաղաքացիները ստացել են ավելի քան 31.000 վիզա, այդ թվում՝ 17.388 աշխատանքային, շուրջ 1000՝ ոսումնական և 95.000 տուրիստական:

Ընդ որում, Լեհաստանի ԱԳՆ-ում նշել են, որ դրա պատճառը ոչ միայն քաղաքական սահմանափակումն է, այլև ՌԴ-ում լեհական դիվանագիտական ներկայացուցչությունների անձնակազմի էական կրճատումը: