Մերձավոր Արևելքի երկրները չորս տարվա ընթացքում կստանան լրացուցիչ 1,3 տրիլիոն դոլար նավթային եկամուտ. FT
Համաշխարհային Մամուլ
Մինչև 2026 թվականը Մերձավոր Արևելքի երկրները կարող են լրացուցիչ 1,3 տրիլիոն դոլար ստանալ նավթի վաճառքից։ Այս մասին գրում է Financial Times-ը՝ վկայակոչելով Արժույթի միջազգային հիմնադրամի տվյալները։
«Մերձավոր Արևելքում նավթ և գազ արտահանողները նման հավելյալ ընդհանուր եկամուտներ կստանան մինչև 2026 թվականը՝ համեմատած ուկրաինական իրադարձություններից առաջ կանխատեսումների հետ», - ասել է ԱՄՀ-ի Մերձավոր Արևելքի և Հյուսիսային Աֆրիկայի դեպարտամենտի տնօրեն Ջիհադ Ազուրը:
Նրա խոսքով՝ լրացուցիչ եկամուտները պետք է ուղղվեն ներդրումներին, օրինակ՝ նորարարական տեխնոլոգիաների, առողջապահության, կանաչ էներգիայի ոլորտներում։
Պարբերականը մատնանշում է, որ աշխարհի ամենամեծ ինքնիշխան հարստության հիմնադրամները Սաուդյան Արաբիայի, Քաթարի, Քուվեյթի և Արաբական Միացյալ Էմիրությունների պետական հիմնադրամներն են։ Նրանք գնել են բաժնետոմսեր խնդրահարույց ընկերություններում՝ անընդհատ փոփոխվող շուկան կապիտալացնելու համար: Արդյունքում՝ Սաուդյան Արաբիան նավթ արտահանող այլ երկրների հետ միասին կլինի նավթի բարձր գների հիմնական շահառուներից մեկը։ Բացի այդ, 2013 թվականից ի վեր առաջին անգամ երկիրը կզեկուցի ՀՆԱ-ի 5,5%-ի չափով բյուջեի հավելուրդ:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
