Չինաստանում ներկայացվել է iPhone 13-ի «դիմացկուն» կլոնը
Այլ
Չինական Oukitel ընկերությունը ներկայացրել է փոշու և ջրի դիմացկուն WP20 Pro սմարթֆոնը՝ IP68, IP69K դասակարգմամբ և MIL-STD-810H ռազմական ստանդարտով։ Նորույթի տեսախցիկի բլոկը պատրաստված է iPhone 13-ի ոճով, հայտնում է iXBT առցանց հրատարակությունը։
Oukitel WP20 Pro-ն ունի 5,93 դյույմանոց HD+ էկրան՝ լայն շրջանակներով: Սմարթֆոնի աշխատանքի համար պատասխանատու է MediaTek Helio A22 բյուջետային չիպը։ Ընդհանուր առմամբ, սմարթֆոնն ունի 4 ԳԲ օպերատիվ հիշողություն և 64 ԳԲ մշտական հիշողություն՝ microSD քարտի միջոցով ընդարձակելու հնարավորությամբ։
20 մեգապիքսել թույլատրությամբ հիմնական տեսախցիկը համալրվում է «լուսազգայուն» օժանդակ սենսորով։ Առջևի սենսորը ներկայացված է 5 մեգապիքսել տեսախցիկով։
Oukitel WP20 Pro-ի մարտկոցը ստացել է 6300 մԱ/ժ հզորություն: Լիցքավորման հզորությունն ու տեսակը հայտարարված չեն։
Ի թիվս այլ առանձնահատկությունների, նշվում է NFC-ի առկայությունը, միացման կոճակի մեջ ներկառուցված մատնահետքի սկաները և -40-ից մինչև 70 աստիճան ջերմաստիճանի պայմաններում աշխատանքը:
Oukitel WP20 Pro-ի արժեքը սկսում է 8 հազար ռուբլիից:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
