Կիանու Ռիվզը պատահաբար եկել է անծանոթների հարսանիքին

Նորթհեմփթոնշիրի Fawsley Hall հյուրանոցում Կիանու Ռիվզը հյուր է եղել մի զույգի հարսանիքին, որին նա չի ճանաչում: Այս մասին հայտնում է Daily Mail-ը։

«Կիանու Ռիվզը շատ ընկերասեր էր: Մենք սկզբում չգիտեինք՝ հրավերից հետո կգա՞, թե՞ ոչ, բայց շատ լավ էր, որ ամուսինս խոսեց նրա հետ։ Նա նաև շնորհավորեց մեզ մեր հարսանիքի կապակցությամբ: Նա նաև սիրալիր էր մի քանի նկար անելու համար: Հետո նա ժամանակ հատկացրեց՝ զրուցելու մեր հյուրերից մի քանիսի հետ և լուսանկարվելու նրանց հետ»,- պատմել է հարսնացուն:

57-ամյա հոլիվուդյան դերասանը պատահաբար դարձել է զույգի հյուրը նրանց համար նշանակալից օրը, քանի որ նա հանգրվանել է Fawsley Hall հյուրանոցում։ Զույգը սոցցանցերում կիսվել է Կիանու Ռիվզի հետ նկարներով՝ անհավանական ուրախություն պատճառելով դերասանի երկրպագուներին։ Մեկնաբանություններում նրանք նշել են, որ իրենք նույնպես կցանկանային կյանքում ավելի շատ նման զուգադիպություններ, որպեսզի անձամբ հանդիպեին կինոաստղին։