Պակիստանում իսկական աղետ է․ ջրհեղեղը խլել է ավելի քան 1000 մարդու կյանք

Պակիստանում շարունակվող մեծ հեղեղումների հետևանքով զոհվել է ավելի քան 1000 մարդ։

Այդ մասին հայտնել են Պակիստանի բնաղետների դեմ պայքարի ազգային վարչությունից։

Նշվում է, որ հորդառատ անձրևները երկրում չեն դադարում հունիսի 14-ից, իսկ հեղեղումները խլել են 1033 մարդու կյանք, ևս 1527 քաղաքացի վիրավոր է։ Միայն վերջին մեկ օրվա ընթացքում բնաղետի զոհ է դարձել 119 մարդ։

Բացի այդ, մեծ ավերածություններ են գրանցվել․ մի քանի հարյուր տուն փլվել է, սատկել են հարյուրավոր անասուններ։