Իրանի նախագահը համաձայնության է եկել Էրդողանի հետ Արաքս գետի հարցով

Իրանի նախագահ Իբրահիմ Ռաիսին հայտարարել է, որ Թուրքիայի նախագահ Ռեջեփ Թաիբ Էրդողանի հետ համաձայնության են եկել Արաքս գետի վրա ամբարտակների կառուցման հետ կապված հարցում:

Նրա խոսքով, այդ հարցը բարձրացվել է Էրդողանի՝ Իրան կատարած այցի ժամանակ:

«Էրդողանին ասացինք, որ մեզ մտահոգում է Արաքս գետի մակարդակը և որ փորձագետների խումբը պետք է ուսումնասիրի այդ խնդիրը: Թուրքական կողմը համաձայնեց, որ Իրանն ու Թուրքիան պետք է համատեղ լուծեն մոտ ապագայում ջրի պակասի խնդիրը»,-նշել է Ռաիսին:

Նշենք, որ Արաքսը հայկական լեռնաշխարհի ամենախոշոր գետերից մեկն է. անդրսահմանային գետի ավազանն ընդգրկում է Թուրքիայի, Հայաստանի, Արցախի, Իրանի և Ադրբեջանի տարածքը։