Վրաստանի կառավարությունը կվաճառի Սաակաշվիլիի օրոք գնված բարձրակարգ ուղղաթիռը

Վրաստանի իշխանությունները որոշել են վաճառել Super Puma դասի ուղղաթիռը, որը գնվել է Միխայիլ Սաակաշվիլիի պաշտոնավորության օրոք:

Վաճառքից ստացված գումարով Թբիլիսին մտադիր է ձեռք բերել երեք փրկարար ուղղաթիռ, այդ մասին հայտնել է Վրաստանի վարչապետ Իրակլի Ղարիբաշվիլին՝ կառավարության նիստի ժամանակ:

Նրա խոսքով, հիշյալ ուղղաթիռը գնվել է նախկին իշխանությունների կողմից և նախատեսված է եղել հանրապետության առաջին դեմքերի ուղևորությունների համար: Ղարիբաշվիլին նշել է, որ իրենք հրաժարվում են օգտվել այդ շքեղ ու ծախսատար փոխադրամիջոցի օգտագործումից: