Բուլղարիայում կոչ են արել հանրաքվե անցկացնել նախագահական հանրապետությանն անցնելու հարցով

Բուլղարական «Կա այդպիսի ժողովուրդ» կուսակցության առաջնորդ Սլավի Տրիֆոնովը կոչ է արել հանրաքվե անցկացնել երկրում իշխանությունը նախագահական հանրապետության ձևին անցնելու հարցով, հայտնում է Novinite հրատարակությունը։

«Ես այս քաղաքական համակարգը տեսել եմ ներսից՝ կա տարրական կեղծավորություն, սուտ, կոռուպցիա, կուլիսային կառավարում, ինտրիգներ և իշխանության ցավոտ ծարավ։ Ահա թե ինչ եմ տեսել և ինչու եմ ինձ համարում ոչ քաղաքական գործիչ։ Պետք է կոտրել ողջ ներկայիս քաղաքական համակարգի մոդելը։ Ուստի ուզում ենք, որ դուք ասեք՝ ժամանա՞կն է, որ Բուլղարիան դառնա նախագահական հանրապետություն, թե՞ պետք է մնա խորհրդարանական։ Մենք ուզում ենք ձեզ հարցնել այս մասին համապետական ​​հանրաքվեով։ Որոշումը պետք է լինի ձերը, քանի որ երկիրը պատկանում է ձեզ»,- մեջբերում է հրատարակությունը Տրիֆոնովի խոսքերը։