Կոնգրեսը մեղադրում է Բայդենին

ԱՄՆ նախագահ Ջո Բայդենը պատասխանատու է Աֆղանստանից ամերիկյան զորքերի վատ կազմակերպված դուրսբերման համար, որը հանգեցրեց 13 ամերիկացի զինվորականի մահվան, ասել է կոնգրեսական Մերի Միլլերը։

«Ջո Բայդենի նախագահությունը մեր երկրի պատմության մեջ ազգային անվտանգության ամենամեծ ձախողումն է: Ես կոչ եմ արել անհապաղ վերահսկիչ լսումներ կազմակերպել Աֆղանստանից զորքերի դուրսբերման սխալ կառավարման վերաբերյալ՝ բացի Բայդենի և Պենտագոնի այլ բարձրաստիճան պաշտոնյաների իմպիչմենտից», - գրել է քաղաքական գործիչը Twitter-ի իր էջում։ Նրա կարծիքով՝ Սպիտակ տան ղեկավարը կարող էր կանխել զինվորականների մահը։

2021 թվականի օգոստոսի սկզբին թալիբները ուժեղացրին իրենց հարձակումը Աֆղանստանի կառավարական ուժերի դեմ, օգոստոսի 15-ին մտան Քաբուլ և հաջորդ օրը հայտարարեցին, որ պատերազմն ավարտված է։

Օգոստոսի վերջին երկու շաբաթներին Քաբուլի օդանավակայանից, որը գտնվում էր ԱՄՆ զինվորականների պաշտպանության ներքո, տեղի ունեցավ արևմտյան երկրների քաղաքացիների և նրանց հետ համագործակցած աֆղանների զանգվածային տարհանում։ Օգոստոսի 31-ի գիշերը ԱՄՆ զինվորականները լքեցին Քաբուլի օդանավակայանը՝ վերջ տալով հարավասիական այս երկրում ամերիկյան ռազմական ներկայությանը։ Տարհանման ողջ ընթացքում ԱՄՆ Զինված ուժերի 13 զինվոր է զոհվել, 20-ը՝ վիրավորվել։