Գերմանիայում 200 կգ կշռող մարմարե արձանը ճզմել է 7-ամյա աղջնակին

Իտալիայից 7-ամյա զբոսաշրջիկին ճզմել է 200 կգ-անոց մարմարե արձանը, որն ընկել է նրա վրա, գրում է Daily Mail-ը։ Աշակերտուհին կյանքի հետ անհամատեղելի վնասվածքներ է ստացել:

Ըստ լրատվամիջոցների՝ Լավինիա Տրեմատերան ընտանիքի հետ եկել էր Գերմանիա՝ հանգստանալու։ Աղջիկը մեկ այլ երեխայի հետ խաղում էր հյուրանոցի բակում, երբ նրա վրա 20 տարի իր տեղում կանգնած չամրացված արձան է ընկել։ Ականատեսները շտապել են օգնել աշակերտուհուն, իսկ ժամանած բժիշկները նրան տեղափոխել են հիվանդանոց, որտեղ էլ փորձել են վերակենդանացնել։

Չնայած բժիշկների ջանքերին՝ Լավինիան մահացել է երկու ժամ անց։ Ոստիկանությունից հայտնել են, որ միջադեպի հետաքննություն են իրականացնում։ Բացի այդ, վարկած է դիտարկվում, որ աղջիկը կարող էր արձանի վրա բարձրանալ նախքան այն ընկնելը։

«Դեռևս անհասկանալի պատճառներով մոտ 200 կգ կշռող քարե արձանը ընկել է երեխայի վրա»,- ասվում է ոստիկանության հաղորդագրության մեջ։

Այս թեմայով Արարատ Միրզոյանը շնորհավորական ուղերձ է հղել Գերմանիայի Միասնության օրվա առթիվ ՀՀ նախագահն ու դեսպան Կլաուդիա Բուշը քննարկել են Հայաստանի և Գերմանիայի միջև համագործակցության հարցերը ԱԺ Հայաստան-Գերմանիա խումբը Ռոթի հետ քննարկել է Հայաստանի և Ադրբեջանի միջև խաղաղության գործընթացը Մտքեր են փոխանակվել Հայաստան-Գերմանիա համագործակցության ընդլայնման հեռանկարների և ընթացիկ ծրագրերի շուրջ Ժաննա Անդրեասյանն աշխատանքային այցով մեկնել է Գերմանիա