Նանտում կանցկացվի Ֆրանսիայում Ադրբեջանի ահաբեկչական գործողությունների մասին իրազեկման արշավ

Ֆրանսիայում մտադիր են միջազգային հանրության աչքերը բացել ադրբեջանական ռեժիմի իրական էության վրա։ Այսպես, ադրբեջանցի այլախոհ, բլոգեր և ակտիվիստ Միրզալի Մահամադը ֆեյսբուքյան իր էջում հայտնել է, որ մինչև հոկտեմբերի 27-ը, երբ նախատեսված է Նանտ-Ղարաբաղ ֆուտբոլային հանդիպումը, քաղաքում կտեղադրվեն պաստառներ և գովազդային վահանակներ՝ կատարված Ֆրանսիայի տարբեր քաղաքներում Ադրբեջանի իշխանությունների կողմից կատարված ահաբեկչական գործողությունների մասին ճշմարտությունը փոխանցելու համար։ 

«Ֆրանսիացիները, հատկապես Նանտի բնակիչները, պետք է հասկանան, թե ում հետ գործ ունեն»,- ասել է Մահամադը՝ հիշեցնելով, որ Իլհամ Ալիևի անունից երեք անգամ փորձել են սպանել իրեն Նանտում, և այդ դավադրությունները ֆինանսավորվել են «SOCAR ահաբեկչական կազմակերպության» կողմից:

Վերջին անգամ ադրբեջանցի ահաբեկիչների խումբը փորձել է կտրել ընդդիմության առաջնորդի գլուխը Նանտ քաղաքի կենտրոնում։ Այս տարվա հունիսին երկու մարդ ձերբակալվել էր ոստիկանության կողմից՝ Մահամեդի դեմ մահափորձ ծրագրելու համար։