64-ամյա Մադոննան հայտարարել է, որ կախվածություն ունի սեքսից

64-ամյա ամերիկացի փոփ երգչուհի Մադոննան հայտարարել է, որ կախվածություն ունի սեքսից։ Այս մասին նա խոսել է YouTube-ի իր պաշտոնական ալիքի նոր տեսանյութում։

Մադոննայի YouTube-ի պաշտոնական ալիքում տեսանյութ է հրապարակվել, որում երգչուհին հակիրճ պատասխանել է հիսուն հարցի։ Մասնավորապես, նա խոստովանել է, որ տարված է սեքսով։ Աստղը սեքսն անվանել է իր «ամոթալի հաճույքը», կյանքի մանտրա և կենդանակերպի նշան, ինչպես նաև խոստովանել է, որ հենց սեքսն է իրեն օգնում առաջ գնալ և հասնել հաջողության։

Բացի այդ, Մադոննան ասել է, որ իր կյանքում ամենից շատ ափսոսում է երկու ամուսնությունների համար էլ։ Եվ եթե չլիներ երգչուհու կարիերան, նա կաշխատեր որպես դպրոցի ուսուցչուհի։

Մադոննան երկու անգամ ամուսնացած է եղել։ Երգչուհու առաջին ամուսինը դերասան Շոն Փենն է։ Երկրորդ անգամ նա ամուսնացել է ռեժիսոր Գայ Ռիչիի հետ, որից ծնել է նրանց որդի՝ Ռոկկոն։ Երգչուհին ունի նաև դուստր՝ Լուրդեսը, ֆիթնեսի անձնական մարզիչ Կառլոս Լեոնից, ինչպես նաև չորս որդեգրված երեխաներ՝ Դեյվիդը, Մերսին, Ստելլան և Էսթերը։