Ադրբեջանում ՄԻԱՎ վարակակիրներին արգելել են աշխատել մի շարք ոլորտներում

Ընդլայնվել է այն մասնագիտությունների եւ պաշտոնների ցանկը, որոնցում արգելվում է աշխատել իմունային անբավարարության վիրուսով տառապող անձանց։ Report-ը հայտնել է, որ համապատասխան հրամանագիրը ստորագրել է Ադրբեջանի վարչապետ Ալի Ասադովը։

Նրանց այսուհետ արգելվում է աշխատել ոչ միայն արտաքին հետախուզությունում, այլեւ Ադրբեջանի նախագահի անվտանգության ծառայությունում, հատուկ կապի եւ տեղեկատվական անվտանգության, ռազմավարական օբյեկտների պաշտպանության ոլորտներում։