Ուհանի լաբորատորիայում կրծողների մոտ նոր վիրուս է հայտնաբերվել

Չինաստանի Ուհանի լաբորատորիայում կրծողների մոտ հայտնաբերվել է նոր LsPyV KY187 վիրուս: Պաթոգենը շատ նման է պոլիոմավիրուսին (Polyomaviridae), սակայն այն ընթանում է մեղմ ձևով: Այս մասին, Lenta.ru-ի փոխանցմամբ, հայտնում է Daily Mail-ը։

LsPyV KY187-ը առաջին անգամ հայտնաբերվել է Քենիայի զեբրա-մկների մոտ 2016 և 2019 թվականներին, այնուհետև ուղարկվել է հետազոտության Ուհանի կենտրոն: Մասնագետներն ընդգծում են, որ մարդու վրա վիրուսի ազդեցությունը լրացուցիչ ուսումնասիրության կարիք ունի, և դրա վարակիչության և ախտածինության մասին դժվար է որևէ եզրակացություն անել։