Աղջիկը 11 հազար կիլոմետր է անցել Tinder-ի միջոցով ծանոթացած տղային հանդիպելու համար
Այլ
Աղջիկը Tinder-ի միջոցով ծանոթացած տղային հանդիպելու համար 11 հազար կիլոմետր է անցել ու չի զղջացել դրա համար։ Այս մասին հայտնում է Daily Mirror-ը։
22-ամյա իռլանդուհի Կլաուդագ Օ'Սալիվանը ծանոթացել է 25-ամյա ամերիկացի Բրեդի Էլիոթի հետ 2019 թվականին։ Այդ ժամանակ Էլիոթը ծառայում էր Հավայան կղզիներում։ Նոր ծանոթները շատ էին շփվում և հաճախ խոսում տեսազանգի միջոցով, իսկ երեք ամիս անց երիտասարդը խնդրել է Օ'Սալիվանին գալ իր մոտ:
Էլիոթը խոստովանել է, որ որոշել է հրավիրել աղջկան այն բանից հետո, երբ լսել է բրիտանացի արտիստ Էդ Շիրանի Nancy Mulligan երգը։ Նրա խոսքով` ինքը տիեզերքին խնդրել է իրեն նշան տալ և, լսելով երաժշտությունը, համարել է, որ ճիշտ ուղու վրա է։ Երբ իռլանդուհին հասել է Հավայան կղզիներ, երիտասարդներն անմիջապես սիրահարվել են միմյանց։
2020 թվականին Օ'Սալիվանը իմացավ, որ հղի է։ Կարճ ժամանակ անց Էլիոթը տեղափոխվել է Իռլանդիա, որտեղ զույգն այժմ ունի որդի՝ Ջեյմին, և պատրաստվում է ամուսնանալ։
«Իռլանդիայում ապրելը զարմանալի է: Երբեք չէի մտածի, որ կտեղափոխվեմ այլ երկիր։ Բայց այստեղ լինելը նրա և մեր փոքրիկ որդու հետ ամենաանհավանական բանն է, որը ես երբևէ զգացել եմ, և ես սիրում եմ իմ կյանքի յուրաքանչյուր վայրկյանը»,- ասել է Էլիոթը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
