Ի՞նչու էր քրեական աշխարհում հայտնի Ջնդի Ամալյանը գնացել նախագահական

Lurer.com-ի տեղեկություններով՝ այսօր «Արևելյան խոհանոց» սրճարանի սեփականատեր, քրեական աշխարհում հայտնի Ջնդի Ամալյանն այցելել է ՀՀ նախագահի նստավայր: Այս մասին կարելի էր եզրակացնել նաև նախագահականի դիմաց կանգնած մեքենաներից և դրանց պետհամարանիշներից, որոնք, մեր տեղեկություններով, պատկանում են հենց Ամալյանին: Հայտնի է, որ այսօր ՀՀ նախագահ Սերժ Սարգսյանը մեկնել է Արցախ. թե ո՞վ էր Բաղրամյան 26-ում որոշել նախագահի բացակայության ժամանակ հանդիպում կազմակերպել քրեական հեղինակության հետ, կարելի է միայն ենթադրել:

Հիշեցնենք նաև, որ հոկտեմբերի 17-ին՝ Կիևյան փողոցում տպագիր օրաթերթերից մեկի թղթակիցն ականատես է եղել, թե ինչպես են ոստիկանները հետապնդելով կանգնեցնում Ջնդի Ամալյանի երկու թանկարժեք ավտոմեքենաները և բերման ենթարկում դրանցից մեկում եղած 6 երիտասարդներին: