ԱԺ-ն 20:30-21:30-ը կանջատի էլեկտրականությունն ու խորհրդարանի շենքի արտաքին լուսավորությունը
Հասարակություն
Հինգ ժամից համայն մարդկության ջանքերը կմիավորվեն կլիմայի փոփոխության դեմ պայքարում՝ անցկացնելով «Երկրի ժամը» բնապահպանական նախաձեռնությունը:
ՀՀ Ազգային ժողովն այսօր՝ ժամը 20:30-21:30-ը, կմիանա Բնության համաշխարհային հիմնադրամի (WWF) խորհրդանշական նախաձեռնությանը՝ անջատելով էլեկտրականությունն ու խորհրդարանի շենքի արտաքին լուսավորությունը:
2008 թվականից ի վեր՝ հիմնադրամի հայաստանյան մասնաճյուղի նախաձեռնությամբ մեր երկրում իրականացվում է բնապահպանական այս շարժումը, որը մեկ ժամով էներգիա խնայելու նպատակից զատ ունի այլ խորհուրդ՝ միավորվել Երկիր մոլորակը պահպանելու գաղափարի շուրջ եւ կերտել ավելի կանաչ ու լուսավոր ապագա:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
