«Սերը միշտ ավելի ուժեղ է, քան ատելությունը»․ Հեյլի Բիբերը դիմել է Սելենա Գոմեսին

Հանրահայտ երգիչ Ջասթին Բիբերի կնոջը՝ Հեյլի Բիբերին, և նրա նախկին սիրելիին՝ Սելենա Գոմեսին, վաղուց են թշնամություն վերագրում: Մոդելն ու երգչուհին բազմիցս փորձել են ապացուցել, որ նորմալ հարաբերությունների մեջ են և միմյանց նկատմամբ ոխ չեն պահում։ Սակայն վերջերս համացանցում մի տեսանյութ հայտնվեց, որտեղ Հեյլին իբր ծաղրում էր Սելենային։

Դրանից հետո մոդելի վրա սկսել են հարձակվել երգչուհու երկրպագուները։ Բիբերի կինը նույնիսկ մահվան սպառնալիքներ է ստացել։ Նա կապվել է Սելենայի հետ և բողոքել կատարվածից։

Երգչուհին հրապարակավ կոչ է արել վերջ տալ ահաբեկմանը։ Իսկ այժմ Հեյլին երախտագիտության խոսքերով դիմել է փոփ աստղին. «Ես ուզում եմ շնորհակալություն հայտնել Սելենային՝ բարձրաձայնելու համար։ Նա և ես վերջին մի քանի շաբաթվա ընթացքում քննարկել ենք, թե ինչպես հաղթահարել այս ամբողջ պատմությունը: Դա աներևակայելի դժվար ժամանակ էր բոլոր ներգրավվածների համար: Միլիոնավոր մարդիկ տեսել են հսկայական ատելություն, և դա շատ վատ է: Սոցիալական ցանցերը պետք է համայնքներ ստեղծեն, դրանք պետք է միավորեն, բայց ոչ բաժանեն մարդկանց»,- ասել է Հեյլին։

Նա նշել է, որ սոցիալական ցանցերի պայմաններում միշտ պետք է մի քանի անգամ մտածել՝ ինչ-որ բան հրապարակելուց առաջ։ Հիմա ցանկացած արտահայտություն և գործողություն կարելի է կոնտեքստից հանել և սկզբունքորեն սխալ մեկնաբանել։ «Սակայն ես դեռ հավատում եմ, որ սերը միշտ ավելի ուժեղ է, քան ատելությունը և նեգատիվը: Միշտ էլ միմյանց կարեկցանքով ընդառաջ գալու հնարավորություն կա», - ամփոփել է Ջասթինի կինը: