Բեքհեմի որդուն նկատել են թանկարժեք Maserati մակնիշի ավտոմեքենա վարելիս

Անգլիայի հավաքականի նախկին կիսապաշտպան Դեյվիդ Բեքհեմի որդուն՝ Ռոմեոյին, նկատել են շքեղ մեքենա վարելիս։ Լուսանկարները հրապարակում է Daily Mail-ը։

Պապարացիները լուսանկարել են 20-ամյա մոդելին իր սիրելիի՝ մոդել Միա Ռեգանի հետ ժամադրության ժամանակ։ Երիտասարդը կրում էր կանաչ Puma մարզաշապիկով, իսկ աղջիկն ընտրել էր սև շապիկ՝ համադրված վառ դիմահարդարման հետ։ Զույգը տուն է գնացել 197,000 ֆունտ արժողությամբ Maserati-ով։

Հայտնի է, որ նշված մեքենան պատկանում է տղայի հորը, ով վերջերս է դարձել Maserati ընկերության դեսպան։ Այդ կապակցությամբ ֆուտբոլիստը նկարահանվել է նաեւ նշված ավտոարտադրողի գովազդում։