BMW-ն մխրճվել է բեռնատարի հետնամասի մեջ․ կա վիրավոր

Երեկ ապրիլի 21-ին, ավտովթար է տեղի ունեցել Լոռու մարզում։ Ժամը 20։30-ի սահմաններում Վանաձոր-Ստեփանավան ավտովճանապարհին՝ Բազում գյուղի վարչական տարածքում բախվել են Արարատի մարզի բնակիչ 23-ամյա Հակոբ Թ․-ի վարած BMW մակնիշի և Վրաստանի Հանրապետության քաղաքացի 59-ամյա Պետրե Կ.-ի վարած DAF մակնիշի բեռնատար ավտոմեքենան։ Գրում է Shamshyan.com-ը։

Վթարի հետևանքով BMW-ի ուղևոր Երևանի բնակիչ 47-ամյա Արաքսի Թ.-ն մարմնական վնասվածքներով տեղափոխվել է «Վանաձոր» բժշկական կենտրոն։ 

Վթարի փաստով ՊԾ Լոռու մարզի գումարտակում նյութեր են նախապատրաստվել, որոնք էլ փոխանցվել են Հայաստանի քննչական կոմիտեի Լոռու մարզային քննչական վարչություն հետագա ընթացքը լուծելու համար։