Երևանյան ակումբներից մեկում բերման են ենթարկել հայտնի անձանց ազգականներին․ թմրամիջոց է հայտնաբերվել

SHAMSHYAN.com-ի տեղեկություններով՝ այսօր՝ ապրիլի 23-ին, ՀՀ ներքին գործերի նախարարության Ոստիկանության Կենտրոնական բաժնի քրեական հետախուզության բաժնի ծառայողները՝ բաժնի պետ Երվանդ Նիկոյանի, բաժնի պետի օպերատիվ գծով տեղակալ Վազգեն Թադևոսյանի գլխավորությամբ, համագործակցելով ՀՀ ՆԳՆ Ոստիկանության Երևան քաղաքի վարչության՝ ժողովրդին հայտնի՝ կարմիր բերետների խմբի հետ, Տերյան փողոցում գործող «18+ Շոու» ակումբում իրականացրել են հատուկ օպերացիա։

Ոստիկանության ծառայողները նշված վայրից մոտ 40 անձ են բերման ենթարկել Ոստիկանության Կենտրոնական բաժին, որոնցից մեծ մասի մոտ հայտնաբերվել են տարբեր տեսակի թմրամիջոցներ, կասկածելի առարկաներ, սառը զենքեր։