ԼՂ-ում հակառուսականություն չկար գոնե մինչև վերջերս․ ԱԽ քարտուղար

2020 թվականին ռուս խաղաղապահներն Արցախի բնակիչներին անվտանգության երաշխիքներ են խոստացել։ Արցախի բնակիչները վերադարձել են՝ նույնպես ականջալուր լինելով այդ երաշխիքներին։ Բայց էթնիկ զտումների սպառնալիքը գնալով ավելի առարկայական է դառնում։ Այս մասին Պետրոս Ղազարյանի հետ հարցազրույցում ասել է ՀՀ ԱԽ քարտուղար Արմեն Գրիգորյանը:

Անդրադառնալով քննադատութանը, որ ստեղծված իրավիճակի մեղավորներից է նաեւ ներկայիս իշխանությունը, քանի որ Արեւմուտքի հետ է նաեւ այս հարցով հանդիպումներ, քննարկումներ անցկացրել, ԱԽ քարտուղարն ասաց, որ քննադատողները այս դեպքում ՌԴ-ին վերաբերում են որպես ոչ լուրջ պետության:

«Եթե որեւէ պետություն իր ռազմավարական շահերը ստորադասելու է որեւէ երկրում գտնվող անձով կամ անձինքով, ապա դա ինձ համար պետություն չէ: ԼՂ-ում միակ ուժը, որ ներկայացված է, ՌԴ-ն, այնտեղի եւ իշխանությունը եւ բնակչությունը  պրոռուսական, է: Այդ դեպքում ինչի՞ են նրանց պատժում, ԼՂ-ում հակառուսկանություն չկար գոնե մինչեւ այս վերջերս: Մենք 2018 թվականից հետո արտաքին քաղաքականության որեւէ փոփոխություն չենք կատարել, բայց դրա արդյունքում ստացել է 2020 թվականի պատերազմը: ՌԴ-ն իր ռազմավարական շահերն է հետապնդում, կարեւոր չէ, թե ինչ իշխանություն կա»,-ասաց նա: