Շերոն Սթոունը հրապարակավ քննադատել է Քիմ Քարդաշյանին

Դերասանուհի Շերոն Սթոունը հրապարակավ քննադատել է գործարար Քիմ Քարդաշյանի մասնակցությունը «Ամերիկյան սարսափ պատմության» նոր եթերաշրջանին, հայտնում է Access Hollywood-ը։

65-ամյա Շերոն Սթոունին դուր չի եկել, որ Քիմ Քարդաշյանը նկարահանվելու է«Ամերիկյան սարսափ պատմության» նոր եթերաշրջանում։

«Գիտեք, դերասանական հմտություններ… Այստեղ բավական չի լինի ուղեղի վիրահատություն անել, քանի որ մենք իսկապես գնահատում ենք մեր արվեստը: Մենք սովորել ենք, տանջվել ենք։ Մենք իսկապես անհանգստանում ենք այն ամենի մասին, ինչ անում ենք»,- ասել է Սթոունը:

Երկու շաբաթ առաջ Քիմ Քարդաշյանը հայտարարեց, որ միացել է «Ամերիկյան սարսափ պատմության» 12-րդ եթերաշրջանի դերասանական կազմին։ Նա նոր սեզոնի համար թիզեր է հրապարակել, որում նկարահանվել է Էմմա Ռոբերթսի հետ։ 

Քարդաշյանի նախորդ դերասանական աշխատանքը ներառում է «PAW Patrol» մուլտֆիլմի հերոսուհու ձայնային կատարումը և «Ամերիկացի հայրիկ» հեռուստասերիալի դրվագներից մեկը։ Բացի այդ, նա նկարահանվել է «Օուշենի ութ ընկերուհիները» կատակերգությունում, «2 Broke Girls» հեռուստասերիալում, «Ընտանեկան խորհրդատու» ֆիլմում և «Մահացու գեղեցկուհի» հեռուստասերիալում։