Բնակարանում հայտնաբերվել է տղամարդու դի

Հոկտեմբերի 27-ին` ժամը 19.24-ին ահազանգ է ստացվել, որ Երևանի Անդրանիկի փողոցի թիվ 131 շենքի 34-րդ բնակարանի բնակիչը չի արձագանքում հեռախոսի և դռան զանգերին. անհրաժեշտ է փրկարարների օգնությունը: Դեպքի վայր է մեկնել փրկարարական ուժերի վարչության հատուկ փրկարար ջոկատի հերթապահ խումբը: Դեպքի մասին տեղյակ են պահվել «1-02» և «1-03. ծառայությունների դիսպետչերները: Փրկարարները բացել են բնակարանի դուռը. ննջարանում հայտնաբերվել է 1953 թ. ծնված Դերենիկ Լոբյանի դին: