Կիևում արգելվել են բողոքի ցույցերը` պայմանավորված ընտրություններով

Կիևի դատարանը արգելել է Ուկրաինայի մայրաքաղաքի կենտրոնում բողոքի ցույցեր կազմակերպել: Նման որոշում է կայացվել տարբեր քաղաքական ուժերի միջև հնարավոր բախումներից խւսափելու նպատակով, որոնք կանխատեսվում են երկրում այսօր ընթացող խորհրդարանական ընտրությունների հետ կապված:

Արգելքը գործելու է մինչ նոյեմբերի 12-ը. հաղորդում է ИТАР-ТАСС-ը:

Ավելի վաղ ընդդիմության ներկայացուցիչները հայտ էին ներկայացրել կենտրոնական հրապարակում և ԿԸՀ-ի դիմաց անժամկետ ակցիա կազմակերպելու թույլտվություն ստանաու համար, ինչը, սակայն, մերժվել էր:

Այսօր Ուկրաինայի օրենսդիր մարմնի` Գերագույն Ռադայի ընտրություններն են. խորհրդարանի 450 պատգամավորական մանդատին հավակնում է 5200 թեկնածու: Խորհրդարանական ընտրություններին մասնակցում է 21 կուսակցություն: