Պիկասոյի սիրո խոստովանությունը գնահատվել է 15-20 մլն ԱՄՆ դոլար

Պաբլո Պիկասոյի «Կինը պատուհանի» մոտ կտավը, որում նկարիչը պատկերել է իր ընկերուհուն ՝ Մարիա-Թերեզային, վաճառքի կհանվի Նյու Յորքում նոյեմբեի 5-ին: Նրա նախնական արժեքը կկազմի 15-20 միլիոն ԱՄՆ դոլար:

Նյու Յորքի աճուրդի տան փոխնախագահի խոսքերով` Պիկասոյի այս որակի գործերից հազվադեպ են հանվում վաճառքի:

«Պիկասոյի սիրելիի ձեռքերը հատված են, ինչպես Լեոնարդո դա Վինչիի Մոնա Լիզայինը: Ես համոզված եմ, որ այս աշխատանքով կհետաքրքրվեն շատերը, քանի որ սա մեծ նկարչի լավագույն գործերից է՝ լի վառ գույներով:

Այս կտավը մինչև նկարչի մահը եղել է նրա հավաքածուի շարքում, ապա ժառանգաբար փոխանցվել է նրա դստերը՝ Պալոմա Պիկասոյին, ով 1983 թվականին նկարը վաճառել է 550.000 ԱՄՆ դոլարով»:

Ցուցադրության շրջանակում վաճառքի կհանվեն նաև այլ հայտնի նկարիչների աշխատանքներ: Սակայն, ըստ փորձագետների, վաճառքի հանված կտավներից գլխավորը կլինի Պիկասոյի «Կակաչներով բնանկարը», որը գնահատվում է 35-50 միլիոն ԱՄՆ դոլար:

Նշենք, որ Պիկասոն շարունակում է մնալ ամենաթանկ գնահատվող նկարիչներից մեկ: Հայտնում է РИА Новости-ն: