Լիվերպուլյան դերբիում գրանցվեց մարտական ոչ ոքի

Անգլիայի պրեմիեր լիգայի հերթական տուրում տեղի ունեցավ լիվերպուլյան դերբին՝ «Էվերթոն»-«Լիվերպուլ»։

Խաղն անցավ դրամատիկ պայքարում. գրանցվեց մարտական ոչ ոքի՝ 2-2։ Լեյթոն Բեյնսի ինքնագոլի շնորհիվ խաղի 14-րդ րոպեին «Լիվերպուլը» առաջ անցավ հաշվի մեջ։ 6 րոպե անց խաղի հաշիվը կրկնապատկեց Լուիս Սուարեսը։ Սակայն ընդամենը 2 րոպե անց «Էվերթոնի» ֆուտբոլիստ Օսմանի խփած գնդակի շնորհիվ խաղի հաշիվը դարձավ 1-2։ Խաղի 35-րդ րոպեին Նեյսմիթը հավասարեցրեց խաղի հաշիվը։

2-րդ խաղակեսում հաշվի մեջ փոփոխություն չգրանցվեց։ Չնայած խաղի վերջին վայրկյաններին «Լիվերպուլին» հաջողվեց դառնալ գոլի հեղինակ, սակայն մրցավարի որոշմամբ գրանցվեց խաղից դուրս։