Նյու–Յորքում չի գործի քաղաքային տրանսպորտը

Նյու–Յորքի նահանգապետ Էնդրյու Կուոմոն հայտարարել է, որ քաղաքային տրանսպորտը ժամանակավորապես չի գործելու «Սենդի» փոթորկի պատճառով՝ հայտնում է «Ռոյթեր»–ը։

Այսօր իրենց աշխատանքներն են դադարեցնելու ավտոբուսները, մետրոն և գնացքները։ «Եթե փոթորիկը շրջվի և հեռանա, հիանալի կլինի։ Իսկ եթե ոչ, մենք պատրաստված կլինենք»,– նշել է նահանգապետը։

Հիշեցնենք, որ «Սենդի»–ն արդեն 65 մարդու կյանք է խլել՝ «լինելով» Կուբայում, Յամայկայում, Պուերտո–Ռիկոյում և Բահամյան կղզիներում։