Ուկրաինայի վարչապետը հայտարարել է խորհրդարանական ընտրություններում իշխող կուսակցության հաղթանակի մասին

Ուկրաինայի վարչապետ, իշխող Ռեգիոնների կուսակցության առաջնորդ Նիկոլայ Ազարովը հայտարարել է խորհրդարանական ընտրություններում իրենց հաղթանակի մասին, որոնք ավարտվել են այսօր՝ մեր ժամանակով 22.00–ին։ «Exit-polls–ի տվյալները խոսուն են։ Իհարկե, ձայների ճշգրիտ հաշվարկը կիմանանք ավելի ուշ։ Սակայն, արդեն ակնհայտ է, որ Ռեգիոնների կուսակցությունը հաղթել է»,– ասել է Ազարովը՝ հայտնում է РИА Новости–ն։

Այսպիսով, ազգային «Էքզիթ փոլերի» արդյունքում իշխող կուսակցությունը ստացել է 28,1%, ընդդիմադիր «Բատկիվշինա»–ն՝ 24,7%, «Հարված»–ը՝ 15,1%, «Ազատությունը»՝ 12,3%, Ուկրաինայի կոմկուսը՝ 11,8%։

Research & Branding Group ընկերության անցկացրած «Էքզիթ փոլերի» տյալներով՝ իշխող կուսակցությունը ստացել է 31,6%, ընդդիմադիր «Բատկիվշինա»–ն՝ 23,7%, «Հարված»–ը՝ 13,2%, «Ազատությունը»՝ 11%։

«Ռեյտինգ» ընկերության «Էքզիթ փոլերի» տյալներով՝ իշխող կուսակցությունը ստացել է 27,6%, ընդդիմադիր «Բատկիվշինա»–ն՝ 23,4%, «Հարված»–ը՝ 14,3%, Ուկրաինայի կոմկուսը և «Ազատությունը»՝ 12,5–ական %։