Սիրիայում մեկ օրվա ընթացքում զոհվել է մոտ 100 մարդ

Սիրիայում հոկտեմեբրի 29-ին՝ ապստամբների և կառավարական զորքերի միջև հայտարարված հրադադարի երրորդ օրը, սպանվել է առնվազն  100 մարդ։ Այս մասին հաղորդում է Agence France-Presse-ը՝ վկայակոչելով Syrian Observatory for Human Rights իրավապաշտպան կազմակերպության տվյալներին։

Ըստ իրավաշտպանների՝ զոհվածներից 35-ը կառավարական բանակի զինվորներ էին, 34-ը՝ ապստամբներ, 30-ը՝ խաղաղ բնակիչ։
Խաղաղ բնակիչների մեծ մասը սպանվել է Իդլիբ գավառի վրա կառավարական ավիացիայի հարձակման ժամանակ հյուսիս-արևմտյան։

Հիշեցնենք, որ հրադադարի մասին համաձայնությունը ձեռք էր բերվել ՄԱԿ-ի և Արաբական պետությունների լիգայի Սիրիայի հարցերով հատուկ բանագնաց Լախդար Բրահիմիի միջնորդությամբ։ Մինչդեռ և՛ կառավարական զորքերը, և՛ ապստամբները սկսել են խախտել համաձայնությունը հրադադարի հենց առաջին ժամերի ընթացքում։ Ուրբաթ և շաբաթ օրերի ընթացքում նոր բախումների ընթացքում սպանվել է առնվազն 175 մարդ։

Հիշեցնենք, որ Բաշար Ասադի կողմնակիցների և ապստամբների միջև հակամարտությունը շարունակվում է 2011 թվականի մարտ ամսից։ Այս ընթացքում, ըստ ՄԱԿ-ի տվյալների, հակամարտության զոհ է դարձել ավելի քան 30 000 մարդ։