Թուրքական իշխանությունները զարգացնում են տուրիզմը հայկական հուշարձանների հաշվին
Վերջին լուրեր
1989-ից թուրքական իշխանություններն աշխատանքներ են սկսել հայ-թուրքական սահմանի մոտակայքում գտնվող հայկական միջնադարյան մայրաքաղաք Անիի տարածքի մաքրման ուղղությամբ, որն այժմ գտնվում է Թուրքիայի տարածքում: Թուրքիան ձգտում է Անին վերածել իր երկրի նկատմամբ զբոսաշրջության հետաքրքրությունը մեծացնող կարևոր ազդակ. հաղորդում է Regnum-ը՝ հղում կատարելով Անադոլու թուրքական գործակալությանը:
«Որոշ իմաստով դա հաջողվել է անել,- շարունակում է գործակալությունը,-2011թ. Անիի ավերակներն այցելել է 22 հազար զբոսաշրջիկ»: Գործակալությունը նշում է, որ Անին եղել է «երբեմնի հայկական հզոր թագավորության մայրաքաղաք, ուր ապրում էր 100-200 հազար մարդ: Անին իր ժամանակի ամենախոշոր քաղաքներից էր»:
Գործակալությունը նաև հավելում է, որ Փամուքալե համալսարանի հնէաբանները մտադիր են վերականգնել պեղումները միջնադարյան քաղաքի տարածքում:
Տեղական իշխանությունները, ի դեմս Կարս նահանգի ղեկավարության, ամբողջովին պաշտպանում են այդ նախաձեռնությունը, որը խթանելու է զբոսաշրջության զարգացումը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
