ԲՀԿ-ականը՝ ՀԱԿ-ԲՀԿ հնարավոր համագործակցության մասին
Վերջին լուրեր
«Նվազագույն աշխատավարձը շատ հեռու է կենսապահովման զամբյուղից: Նվազագույն աշխատավարձի առումով մենք վերջինն ենք եվրոպական երկրների շարքում, վերջից երրորդը՝ ԱՊՀ երկրների շարքում»: Այս մասին լրագրողների հետ հանդիպմանն ասաց ԲՀԿ խմբակցության անդամ, ՀՀ ԱԺ տնտեսական հարցերով մշտական հանձնաժողովի փոխնախագահ Միքայել Մելքումյանը, ով նշեց նաև, որ «Բարգավաճ Հայաստան» խմբակցությունը ձեռնպահ է քվեարկել նվազագույն աշխատավարձը 35 հազ. դրամ սահմանող օրինագծին։
«Մինչև Հայաստանը չհաղթահարի ցածր աշխատավարձի խնդիրը, մենք ոչ մի ծրագիր չենք կարող իրականացնել: ԲՀԿ-ն չի ընդունում Կառավարության կողմից իրականացվող միայն առաջարկի խթանման մոդելը։ Մենք կողմ ենք առաջարկի և պահանջարկի համատեղ խթանմանը»,-ասաց Միքայել Մելքումյանը:
Ըստ բանախոսի՝ եղած գնաճի, աղքատության մեծացման պայմաններում պետք է որպես ուղղություն վերցնել պահանջարկի խթանման ճանապարհը։
Անդրադառնալով ՀԱԿ-ԲՀԿ հնարավոր համագործակցության եզրերին վերջինս նշեց, որ ԲՀԿ-ն այսօր պաշտոնական բանակցություններ որևէ քաղաքական ուժի հետ չի վարում: ՀԱԿ-ն ունի իր տեսակետը, ԲՀԿ-ն՝ իր, իսկ ինչ վերաբերում է Լևոն Զուրաբյանի հայտարարություններին, կարծում է, որ այդ ամենին պետք է վերաբերվել որպես ՀԱԿ համակարգողի կարծիքի, բայց ոչ ավելին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
