Կայացել է Սիրիայի Հալեպ քաղաքում հումանիտար առաքելություն իրականացնող 12-րդ խմբի հերթափոխը
Հասարակություն
2023 թվականի մայիսի 6-ին կայացել է Սիրիայի Արաբական Հանրապետության Հալեպ քաղաքում հումանիտար առաքելություն իրականացնող 12-րդ խմբի հերթափոխը:
«Հումանիտար ականազերծման և փորձագիտական կենտրոն» ՊՈԱԿ-ից NEWS.am-ին հայտնում են, որ ականազերծողներից բաղկացած հերթական խումբը մեկնել է Հալեպ և այնտեղ կիրականացնի իր առաքելությունը: Հալեպում ՀՀ գլխավոր հյուպատոսության խորհրդական պարոն Դավիթ Թադեվոսյանը հերթափոխի կապակցությամբ այցելել է Հայաստանի Հանրապետության հումանիտար առաքելության խմբի կենտրոն՝ ողջունելու Հալեպ ժամանած 12-րդ հերթափոխի հայ մասնագետներին, ինչպես նաև հաջողություն մաղթելով մարդասիրական աշխատանքների իրականացման մեջ։ Հանդիպմանը քննարկվել են նոր հերթափոխի աշխատանքային գործունեության հետ կապված մի շարք հարցեր:
Համաձայն հակաականային գործողությունների միջազգային չափորոշիչների 12-րդ խմբի ականազերծողները, անցնելով ուսումնական նախավարժանք, կսկսեն դաշտային աշխատանքները:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
