Իվանիշվիլին պաշտոնապես անցել է վարչապետի պարտականությունների կատարմանը
Վերջին լուրեր
Բիձինա Իվանիշվիլին պաշտոնապես անցել է իր աշխատանքին: Վարչապետը գտնվում է Պետքարտուղարությունում: Ինչպես նա հաղորդել է լրագրողներին, իր առօրյա աշխատանքային գրաֆիկը շատ հագեցած է, փոխանցում է Newsgeorgia-ն:
«Այսօր ես հանդիպում ունեմ Դավիդ Սագանելիձեի հետ, այնուհետև՝ Մայա Փանջիկիձեի, Դավիդ Կիրվալիձեի և Իրակլի Ալասանիայի հետ: Իսկ կեսօրին ժամանելու է Վրաստանում ԱՄՆ-ի դեսպանը»,-հայտարարել է Իվանիշվիլին:
Վարչապետի փոխանցմամբ՝ ժամը 15:00-ին կայանալու է կառավարության աշխատանքային նստաշրջանը. «Անհրաժեշտ է հաստատել փոխնախարարներին, իսկ այնուհետ հաստատել օրակարգի առաջնահերթ թեմաները»:
Նրա խոսքերով՝ այդ գործընթացի ավարտից հետո՝ մոտավորապես 2 շաբաթից, նա կկարողանա կատարել իր առաջին պաշտոնական այցն արտասահման: Ինչպես նախկինում հաղորդել էր վարչապետը, այդ այցը լինելու է դեպի Բրյուսել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
