ՀՀ ԱԳ նախարարն ընդունել է Նորվեգիայի դեսպանին
Արտաքին ՔաղաքականԱրտաքին գործերի նախարար Արարատ Միրզոյանը մայիսի 10-ին ընդունել է Հայաստանի Հանրապետությունում (նստավայրը՝ Թբիլիսի) Նորվեգիայի Թագավորության դեսպան Հելեն Սանդ Անդերսենին՝ վերջինիս դիվանագիտական առաքելության ավարտի կապակցությամբ: Այս մասին հայտնում է արտաքին գործերի նախարարությունը։
Զրուցակիցներն անդրադարձ են կատարել տարածաշրջանային անվտանգությանը եւ կայունությանը վերաբերող հարցերի: Նախարար Միրզոյանը ներկայացրել է Հայաստանի եւ Ադրբեջանի միջեւ հարաբերությունների կարգավորման գործընթացի վերջին զարգացումները, բանակցություններում սկզբունքային հարցերի շուրջ հայկական կողմի տեսլականը: Արարատ Միրզոյանը նշել է հայկական կողմի կառուցողական ներգրավվածության մասին եւ առաջընթացի ապահովման հարցում ընդգծել Ադրբեջանի կողմից առավելապաշտական ձգտումներից, ՀՀ ու ԼՂ նկատմամբ ուժի կիրառման քաղաքականությունից հրաժարվելու, ինչպես նաեւ, ի թիվս այլ հարցերի, Լեռնային Ղարաբաղում հայերի իրավունքների եւ անվտանգության հարցերը հասցեագրելու կարեւորությունը:
Հանդիպմանը քննարկվել են Հայաստանի եւ Նորվեգիայի միջեւ երկկողմ հարաբերությունների օրակարգի հարցեր՝ երկուստեք ընդգծելով քաղաքական երկխոսության դրական դինամիկան: Շեշտվել է ընդհանուր արժեքների եւ ժողովրդավարական սկզբունքների վրա հիմնված փոխգործակցության հետագա խորացման եւ տնտեսական համագործակցության ընդլայնման հարցում առկա ներուժի օգտագործման կարեւորությունը:
Իր խոսքում ԱԳ նախարարը նշել է, որ բարձր է գնատահում դեսպանի ներդրումը երկկողմ հարաբերությունների զարգացման գործում եւ մաղթել հաջողություն հետագա դիվանագիտական աշխատանքում:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
