Թուրքիան պատասխան է տվել Սիրիայի կողմից արձակված արկին

Թուրքիան հրետանային կրակ է բացել՝ ի պատասխան այսօր Սիրիայի տարածքից արկերի արձակմանը։ Ինչպես հաղորդում է Anadolu գործակալությունը, այն ընկել է թուրքական Բեշասլան գյուղից 300 մետր հեռավորության վրա. զոհեր չկան։

Սա Թուրքիայի ուղղությամբ սիրիական հրթիռի արձակման առաջին դեպքը չէ։ Անցյալ շաբաթ, ըստ CNN Turkey հեռուստաընկերության, Սիրիայի կողմից իրականացվել է կրակոց զենիթային զինատեսակից։ Արդյունքում վնաս է հասցվել Հաթայ գավառի պոլիկլինիկային։

Թուրքական բանակի զորամիավորումները Սիրիայի հետ սահմանին սովորաբար անմիջապես պատասխանում են նման հարձակումներին. հաղորդում է ИТАР-ТАСС-ը։