Ինքնասպանությունից առաջ հաղորդագրություն է թողել կնոջը

Երեկ՝ հոկտեմբերի 28-ին Երևանում տեղի է ունեցել ինքնասպանություն։ Այդ մասին ահազանգ է ստացվել Ոստիկանության Նոր Նորքի բաժնում ժամը 17։10։

ՀՀ ոստիկանության հասարակայնության հետ կապի և լրատվության վարչությունը Lurer.com-ի հետ զրույցում հաստատեց այն լուրը, որ  28-ամյա Գևորգ Բ.-ն եղբոր բնակարանում ինքնասպանություն է գործել կախվելու միջոցով:

Աղբյուրների համաձայն՝ երիտասարդն ինքնասպանություն գործելուց առաջ հաղորդագրություն է թողել կնոջը, որտեղ նշել է, որ ինքնասպանություն է գործում հոգեկան խնդիրների պատճառով, և որ դրանում ոչ մեկ մեղավորություն չունի։

Փաստի առթիվ Ոստիկանության քննչական գլխավոր վարչության Նոր Նորքի քննչական բաժնում նախաքննություն է սկսվել, նշանակվել են մի շարք փորձաքննություններ: