Սիրիայում լրացել է զինադադարի ժամկետը

Սիրիայում ավարտվել է մուսուլմանական գլխավոր տոներից մեկի՝ Զոհաբերության տոնի կապակցությամբ կնքված 3-օրյա զինադադարի ժամկետը: Դամասկոսի ծայրամասում նորից պայթյուններ են հնչել, մարտերը վերսկսվել են նաև երկրի այլ մասերում. հաղորդում է ИТАР-ТАСС-ը:

Ո՛չ կառավարությունը, ո՛չ էլ ընդդիմությունը ցանկություն չի հայտնել շարունակել այս կաճատև խաղաղությունը, որն հաստատվել էր 4 օր առաջ ՄԱԿ-ի և Սիրիայի արաբական երկրների Սիրիայի հարցով հատուկ ներկայացուցիչ Լախդար Բրահիմիի ջանքերով:

Սիրիայի արաբական հանրապետությունն իր ուղերձում հրադադարի խախտման դեպքերի ողջ պատասխանատվությունը դրել է ընդդիմադիր զինված խմբավորումների վրա: «Ռազմական գործողությունները դադարեցնելուց հրաժարվելու փաստն ապացուցում է նրանց նախօրոք մտածած նախագիծը, որով նրանք ցանկանում են ոչնչացնել Սիրիան»,-նշված է այս փաստաթղթում: Ստեղծված իրավիճակում սիրիական բանակին այլ ելք չի մնում, քան երկաթյա ձեռքով արմատախիլ անել ահաբեկչությունը՝ ազատելով երկիրը հանցագործական խմբավորումներից. ասվում է ուղերձում:

Առավոտվանից տեղեկացնում են Դամասկոսի երկու թաղամասերում հնչած պայթյունների մասին: Զոհեր չկան: Շրջաններին հասցվել է միայն նյութական վնաս:

Անցյալ օրերի ընթացքում մայրաքաղաքում հնչած ամենախոշոր պայթյունը Զահրայում մանկապարտեզի հարևանությամբ հնչած պայթյունն էր, որը խլել էր 15 մարդու կյանք, ևս 92-ը վիրավորվել էին: