Իսրայելը 70 մլն դոլար է ծախսել Գազայի սահմանակից բնակավայրերի ամրացման համար

Իսրայելի կառավարությունը որոշել է 270 միլիոն շեկել (70 մլն դոլար) ներդնել Գազայի հատվածին սահմանակից բնակավայրերի պաշտպանության համար: Այս որոշումը կայացվել է անմիջապես այն բանից հետո, երբ գրոհայիններն Իսրայելի վրա 150-ից ավել հրթիռ և նռնականետ արկեր են բաց թողել. փոխանցում է ИТАР-ТАСС-ը:

Նոր միջոցները ձեռնարկվել են հատկապես խոցելի գոտիների համար, որոնք գտնվում են սահմանից 4.5-7 կմ հեռավորության վրա: Մինչև այժմ այդ գոտու հակահրթիռային պաշտպանությունը կազմված էր հետևյալ կերպ: Սահմանին ամենամոտ հատվածում՝ 4.5 կմ հեռավորության վրա, ուր ամեաշատն են ընկնում արկերը, հուսալիորեն ամրացված են, և այդ գոտու բնակիչները կարող են իրենց տներում մնալ և սպասել կրակահերթի ավարտին: 7 կմ հեռավորության վրա գտնվող գոտում գործում են, այսպես կոչված, «Երկաթյա գմբեթ»-ի համալիրները:
Առավել խոցելի է 4.5-7 կմ հատվածների միջև գտնվող այս գոտին: Այժմ այս գոտու համար նույնպես գործելու է «Երկաթյա գմբեթի» համալիր պաշտպանական կառույցը: