Արգենտինայի մայրաքաղաքը մնացել է առանց էլեկտրաէներգիայի

Արգենտինայի մայրաքաղաք Բուենոս–Այրեսում ուժգին հեղեղների հետևանքով խաթարվել է հասարակական տրանսպորտի աշխատանքը, տարհանվել է մի քանի հարյուր մարդ, իսկ որոշ շրջաններում խափանվել է էլեկտրաէներգիայի մատակարարումը՝ հայտնում են տեղական իշխանությունները։

Հեղեղներն ու ուժգին քամին Արգենտինայի մայրաքաղաքում սկսվել են կիրակի երեկոյան և շարունակվել մինչև երկուշաբթի առավոտ։ Բնական աղետից ամենաշատը տուժել են Լա–Մատանսա, Ավելյանեդա, Լանուս և Կիլմես շրջանները։ Նախնական տվյալներով՝ զոհվել է մեկ մարդ։