Forbes: Տասը շարժում, որոնցից պետք է խուսափել
Վերջին լուրեր
Forbes պարբերականը անդրադարձել է մարդու կողմից առօրյայում գիտակցաբար կամ անգիտակցաբար կիրառվող շարժումներին՝ ցույց տալով դրանց նշանակությունը և ազդեցությունը շրջապատի հետ հարաբերությունների վրա: Պարբերականն առանձնացրել է 10 շարժում, որոնցից պետք է աշխատել հնարավորինս խուսափել:
Այսպես, երբ մենք խուսափում ենք զրուցակցի աչքերին նայել, դա կարող է ստեղծել տպավորություն, որ իրեն չենք հարգում կամ փորձում ենք խաբել: Թույլ ձեռքսեղմումը հեղինակության պակասի ազդանշան է, իսկ չափից դուրս ամուր ձեռքսեղմումը՝ ագրեսիվության: Պետք է խուսափել նաև ձեռքերը կրծքավանդակին խաչելուց, քանի որ դա զրուցակցին կարող է ազդանշան տալ, որ իրենով հետաքրքրված չեն կամ չեն վստահում:
Նման տպավորություն է ստեղծում նաև զրուցակցից չափից դուրս հեռու նստելը, միևնույն ժամանակ, խորհուրդ չի տրվում խախտել անձնական տարածությունը՝ զրուցակցի մոտ անհանգստություն կամ անհարմարության զգացում չառաջացնելու համար: Զրուցելիս չարժե հաճախ հայացքը ժամացույցին գցել կամ զրուցակցին նայելու փոխարեն հետևել, թե ինչ է կատարվում նրա մեջքի ետևում, քանի որ դա բացահայտորեն ցույց կտա, որ նրա հետ զրույցը ձանձրալի է, իսկ ինքը հետաքրքիր զրուցակից չէ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
