Ռոնալդուին քննադատում են, քանի որ նախանձում են նրա գեղեցիկ արտաքինին. Ռուդ Գուլիտ

Հոլանդիայի հավաքականի նախկին ֆուտբոլիստ Ռուդ Գուլիտը նշել է թե, ինչու «Ոսկե գնդակին» պետք է արժանանա «Ռեալի» ֆուտբոլիստ Քրիշտիանու Ռոնալդուն։

«Քրիշտիանու Ռոնալդուն ֆենոմեն է։ Մեսսիի խնդիրները հավաքականում պայմանավորված են նրանով, որ շատերը նրան ավելի շատ կատալոնացի են ընկալում, քան արգենտինացի։ Եվ դա զարմանալի չէ, եթե հաշվի առնենք, որ նա Բարսելոնայում է ապրում 12 տարեկանից։ Կարծում եմ՝ «Ռեալը» երջանիկ է, որ նման խաղացող ունի։ Ինձ համար նա իդեալական խաղացող է։ Նա արագ է, բարձրահասակ, հիանալի է խաղում գլխով, տեխնիկապես ուժեղ է, հիանալի է իրացնում 11-մետրանոցները և տուգանայինները, նա առաջնորդ է։ Սակայն նրա հետ կատարվում է այն, ինչ ժամանակին տեղի ունեցավ Բեքհեմի հետ՝ մարդիկ քննադատում են իրենց, քանի որ նախանձում են իրենց գեղեցիկ արտաքինին»,-հոլանդացու խոսքերը մեջբերում է Marca-ն՝ հղում անելով  ESPN Brazil-ին։