Դաշնակցությունը կայուն անկման փուլո՞ւմ է. ՀՅԴ-ից չեն մեկնաբանում

Հայ Հեղափոխական Դաշնակցություն կուսակցության վերաբերյալ Առավոտ օրաթերթի հետ զրույցում քաղաքագետ Արմեն Աղայանն իր գնահատականն էր տվել, ով կուսակցության ներկայիս վիճակը որակել էր որպես կայուն անկման փուլ։ Քաղաքագետը մասնավորապես ասել էր. «Ոչ մեկն այսօր չի քննարկում, թե Դաշնակցությունը կարող է իշխանության գալ կամ կարող է մասնակցել իշխանության բաշխմանը ինչ-որ ձևաչափով։ Հիմնականում գլխավոր ընդդիմադիր ձևաչափերը, եթե բաց են թողնում իրենց իշխանություն վերցնելու առիթը, դրանից հետո կայուն անկման փուլ են ապրում, ինչու չպետք է նույն բանը Դաշնակցության հետ պատահեր։ Դաշնակցությունն այս առումով լուրջ խնդիրներ ունի»։

Այս առթիվ Lurer.com-ը  զրուցեց ՀՅԴ պատգամավոր, ՀՅԴ Բյուրոյի անդամ Վահան Հովհաննիսյանի հետ՝ պարզելու՝ իսկապես ՀՅԴ-ի ներսում անկման փուլ է և ընդհանրապես ինչը կարող է տեղի տալ քաղաքագետին նման որակում տալու համար, չնայած ինչպես և սպասվում էր, Վահան Հովհաննիսյանը պատասխանեց. «Արմեն Աղայանն իրենից ոչ մի բան չի ներկայացնում որպես քաղաքագետ, դրա համար ես պարտավոր չեմ մեկնաբանել նրա արած արտահայտությունները»։

Նույն թեմայի շուրջ պարզաբանումներ ստանալու համար Lurer.com-ը կապ հաստատեց նաև ՀՅԴ պատգամավոր Աղվան Վարդանյանի հետ, ով նույնպես չմեկնաբանեց քաղաքագետի խոսքը, ասելով, որ ինքն արմենաղայաններին չի հետևում։

Հիշեցնենք, որ  Արմեն Աղայանը ՀՅԴ անդամ է եղել: