Թուրքիան պատասխան կրակ է բացել Սիրիայի սահմանապահների ուղղությամբ

Թուրքիայում վաղ առավոտյան հրետանային կրակ են բացել Սիրիայի սահմանին գտնվող Հաթայ շրջանի ուղղությամբ: Համաձայն թուրքական և սիրիական ԶԼՄ-ների՝ կրակի արդյունքում խաղաղ բնակիչների շրջանակներում զոհեր չեն գրանցվել:

Ըստ թուրքական «ԹԱՐԱՖ« լրատվական գործակալության և իրանական «Ֆարսնյուզ» էլեկտրոնային կայք-էջերից ստացված տեղեկատվության՝ թուրք-սիրիական սահմանում թուրքական հրետանին 87 անգամ հրթիռային կրակ է բացել, որին ի պատասխան՝ սիրիական զորքերի կողմից պատասխան կրակ է բացվել 27 անգամ: Հրթիռակոծությունների արդյունքում սիրիական զորքերի կողմից զոհվել է 12 զինծառայող, ոչնչացվել է 5 սիրիական հրասայլ, 3 զրահամեքենա, ՀՕՊ ուժերի 2 դիրքավորված սարքավորում և զինամթերքի պահպանման մեկ պահեստ:

Հարկ է նշել, որ ԹՀ ԶՈՒ-ի կողմից իրականացված նշյալ միջոցառումները կապված են վերջին շրջանում թուրք-սիրիական ռազմական լարվածության հետ, երբ պաշտոնական Դամասկոսի կողմից ս.թ. հոկտեմբերի 14-ին փակվեց թուրք-սիրիական օդային տարածքը: Ուշագրավ է, որ մինչ Սիրիայի նշյալ որոշումը, պաշտոնական Անկարան ԱԳ նախարարի մակարդակով արդեն հանդես էր եկել հայտարարությամբ, ըստ որի՝ ԹՀ-ն քաղաքական արգելք է դնում թուրք-սիրիական օդային տարածքի վրա՝ հիմնավորելով, որ Դամասկոսը քաղաքացիական ավիացիան օգտագործում է Բ.Ասադի կառավարական զորքերին սպառազինություն հատկացնելու նպատակով: