Մինֆինում «նեդաբոր է» կամ պահանջվում են բյուջե գրողներ

Պարզվում է, վարչապետ Տիգրան Սարգսյանն այդքան էլ Գյուլնազ տատի հեքիաթների շարքից չէր ելույթ ունենում ու ասում, թե Հայաստանում լիքը գործ կա, աշխատող չկա: Պարզվում է, նույն՝ աշխատուժի, այն էլ՝ բարձրակարգ մասնագետների պակասից տառապում է նաև Ֆինանսների նախարարությունը: Ֆինանսների փոխնախարար Պավել Սաֆարյանի ասելով՝ իրենք ներկա պահին 17 թափուր աշխատատեղ ունեն, սակայն ոչ մեկը չի համաձայնվում գալ աշխատել: Եվ, փաստորեն, ֆինանսների նախարարությունը ոչ թե այն տեղն է, որտեղ ոչ մեկ առանց թև ու թիկունք չի կարող մտնել, այլ հակառակը՝ իրենք են «էստի համեցեք» կանչում, էն էլ ի՞նչ՝ համեցող չկա:

- Ինչի ձեր մոտ ատկատներ, կոռուպցիա, բան չկա՞, դրա համա՞ր չեն գալիս:

- Տո ի՞նչ ատկատ, չէ մի չէ՜, ո՞վ ա գժվել էդ կարգի պատասխանատվության տակ մտնի, էն էլ՝ էդ փողով, էն ա՝ բյուջե գրող չկա, ստիպված ես եմ գրել: Ով գալիս ա, 2 ամսից ավել չի դիմանում, ի՞նչ անեմ:

Լուսինե Կեսոյան