«Ժամանակ». Հովհաննես Թամամյանն ու Մարգար Օհանյանը պահվում են նույն խցում

Ոստիկանության քրեական հետախուզության գլխավոր վարչության նախկին պետ, գեներալ-մայոր Հովհաննես Թամամյանն ու ՃՈ նախկին պետ Մարգար Օհանյանը «Երևան կենտրոն» ՔԿՀ-ում (ԱԱԾ-ի հայտնի պադվալը) միասին պահվում են նույն խցում։

Նրանց հետ այդ խցում այլ բանտարկյալ չկա։ Այս փաստը թերթի հետ զրույցում հաստատեց նաև ՔԿ վարչության լրատվական ծառայության պատասխանատու Գոռ Ղլեչյանը։ Մեր տեղեկություններով, ոստիկանության այս երկու պաշտոնյաները նույն խցում, բայց մյուս բանտարկյալներից առանձին են պահվում իրենց անվտանգությունից ելնելով։ Կարծիք կա, որ ՔԿՀ-ի մյուս բանտարկյալները կարող են վնասել ոստիկանության նախկին պաշտոնյաներին, քանի որ վերջիններս շատերին են վատություն արել։ Գ. Ղլեչյանը հաստատեց նաև այս տեղեկությունը, որ անվտանգության նկատառումներից ելնելով են նրանց առանձնացրել։