Ողբերգություն Սաուդյան Արաբիայում. Զոհվել է 24 մարդ

Սաուդյան Արաբիայում հարսանիքի ժամանակ հոսանքահարման հետևանքով զոհվել է 24 մարդ, ևս 42 մարդ վիրավոր է։ Ողբերգությունը տեղի է ունեցել երեքշաբթի օրը ուշ երեկոյան թագավորության արևելյան հատվածում. հաղորդում է Вести.ru-ն։

Ըստ տեղի քաղաքացիական պաշտպանության տվյալների՝ բարձր լարման էլեկտրասյունն ընկել է այն շինության մետաղյա դռան վրա, որտեղ և անց էր կացվում հարսանեկան հանդիսությունը. հաղորդում է ИТАР-ТАСС-ը։ Արդյունքում սկսվել է իրարանցում, մեծ մասամբ կանայք վազել են դեպի ելքը։ Մարդիկ մահացել են՝ դիպչելով բարձր լարման տակ գտնվող դռանը։