Financial Times. Ժողովրդավարության հարցում Ուկրաինան մեկ քայլ հետ գնաց. Բրյուսել

Նման որոշում են կայացրել մի շարք եվրոպական երկրների դիվանագետներ այն բանից հետո, երբ միջազգային դիտորդները սուր քննադատության են ենթարկել հոկտեմբերի 28-ին Ուկրաինայում կայացած խորհրդարանական ընտրությունները. հաղորդում է Financical Times-ը:

Թերթը մեջբերում է ԵԱՀԿ-ի՝ երկուշաբթի օրը արած հայտարարությունը. «Կարծես թե Ուկրաինայում ժողովրդավարական գործընթացները ի չիք դարձան»:

Միաժամանակ ԵԱՀԿ-ի և ԵԽԽՎ-ի ներկայացուցիչները հայտարարել են, որ Ուկրաինայի խորհրդարանական ընտրությունների օրինականության մասին դեռ վաղ է խոսել, քանի որ վերջնական արդյունքները դեռ հրապարակվում են, ասվում է հոդվածում: ԵԱՀԿ-ի կողմից արված այս հայտարարությունը կարող է սառեցնել ԵՄ-ի հետ ունեցած Կիևի առանց այն էլ բարդ հարաբերությունները. կարծում է թերթը:

Ինչպես նշում է Financial Times-ը, Բրյուսելում ավելի շատ են հակված այն կարծիքին, որ Ուկրաինան չի պատրաստվում հետևել ժողովրդավարական բարեփոխումների ուղղվածությանը, որն անհրաժեշտ է առևտրական հարցերում բանակցությունները շարունակելու, իսկ ավելի ուշ՝ նաև ԵՄ-ին անդամակցելու համար: Իսկ դա նշանակում է, որ ԵՄ-ի դիրքորոշումը Կիևի նկատմամբ կարող է ավելի խիստ բնույթ ստանալ:

Դրա փոխարեն, Ուկրաինայի նախագահ Վիկտոր Յանուկովիչն ամրապնդել է իր դիրքերը և կարող է ազատ առևտուր անել Ռուսաստանի և Բելառուսի հետ. գրում է թերթը: