Պեկինի օդանավակայանում Մեսսիի ձերբակալության վերաբերյալ նոր մանրամասներ են հայտնի դարձել
Սպորտ
Արգենտինայի ֆուտբոլի ազգային հավաքականի ավագ Լիոնել Մեսսին, ով ձերբակալվել էր Պեկինի օդանավակայանում, զարմացել է, որ իրեն թույլ չեն տվել երկիր մուտք գործել առանց վիզայի։
Հունիսի 12-ին հայտնի դարձավ, որ օդանավակայանի աշխատակիցները կանգնեցրել են ֆուտբոլիստին անձնագրի հետ կապված խնդիրների պատճառով։ Մեսսին Չինաստան էր մեկնել իր իսպանական անձնագրով, բայց առանց վիզայի, քանի որ չգիտեր, որ այն իրեն անհրաժեշտ է երկիր մուտք գործելու համար։
«Թայվանը Չինաստան չէ՞», -հարցրել է Մեսսին՝ կարծելով, որ իսպանական անձնագրով կարելի է մուտք գործել ոչ միայն Թայվան, այլ նաև Չինաստան, հայտնում է գերմանական Bild հրատարակությունը՝ հղում անելով տեղական լրատվամիջոցներին։
Հաղորդվում է նաև, որ Մեսսին ստիպված է եղել մոտ երկու ժամ սպասել օդանավակայանում, մինչ միգրացիոն ծառայությունը նրան վիզա է տվել՝ որպես հատուկ և անհետաձգելի դեպք։
35-ամյա հարձակվողը ժամանել է Չինաստան՝ Ավստրալիայի հետ ընկերական հանդիպում անցկացնելու համար։ Հանդիպումը կկայանա Պեկինում հունիսի 15-ին։
Հիշեցնենք, որ մայիսի 7-ին Լիոնել Մեսսին հայտարարել էր Անգլիայի նախկին ավագ Դեյվիդ Բեքհեմին պատկանող ամերիկյան «Ինտեր Մայամի» ակումբի հետ պայմանագիր կնքելու մասին։ Ենթադրվում է, որ եռամյա պայմանագիրը պաշտոնապես կստորագրվի հուլիսի 1-ին։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
