Արմեն Աշոտյան. ՀՀԿ, քեզ եմ ասում, ԲՀԿ, դու լսիր

ԿԳ նախարար Արմեն Աշոտյանն Facebook սոցցանցի իր էջում գրել է.

«ՀՀԿ, քեզ եմ ասում, ԲՀԿ, դու լսիր:

Առավոտյան ծանոթացա կայքերից մեկում տեղադրված "սենսացիոն" նյութին իմ համեստ անձի ահռելի ներդման մասին"քոչարյանական ռեժիմի" կայունացման և պահպանման մեջ:

Այդ տարիների խորհրդանիշ դարձավ, փաստորեն, իմ կարմիր գույնի PUMA շորտիկը:

Շնորհակալ եմ նոյւթի հեղինակներին այդ տարիների երիտասարդական բարի հուշերը իմ մեջ արթնացնելու համար:

Պարոնայք, եթե մյուս անգամ ուզենաք ինձ և հանրությանը հիշեցնել, որ ժամանակին ՀՀԿ-ն, այդ թվում իր երիտ. թևը, սատարել է Ռ. Քոչարյանին, կարող եք զետեղել ավելի լուրջ նյութեր, հատվածներ այդ տարիների հարցազրույցներից, հաղորդումներից, 2003 թվականի նախագահական ընտրությունների քարոզարշավից:

Գաղտնիք է արդյոք, որ ՀՀԿ-ն եղել է Ռ. Քոչարյանին սատարող քաղաքական թիվ մեկ կառույցը?

Գաղտնիք է արդյոք, որ երկնիշ տնտեսական աճը այդ տարիներին ապահովել է ՀՀԿ առաջնորդ Անդրանիկ Մարգարյանի ղեկավարած կառավարությունը:

Բայց այդ հոդվածի ամենաուշագրավ մեսիջը դա չէ: Ամենահետաքրքիրն այն է, որ

1. ԲՀԿ-ն նորից ուղիղ տանում-կապում են Ռ. Քոչարյանի հետ: Մի բան, որ ջանասիրաբար հերքում են տարբեր հարթակներից տարբեր տրամաչափի բհկականները:

2. Ընդգծում են, որ Վ. Օսկանյանը Ռ. Քոչարյանի կողմից ԲՀԿ իջեցված դեսանտ է: Մի բան, որ փորձում է հերքել հենց ինքը' Օսկանյանը:

Այսինքն, այս նյութը իրականում հակահհկական չէ, այլ ընդգծված հակաբհկական է: Այստեղ են ասել. ՀՀԿ, քեզ եմ ասում, ԲՀԿ, դու լսիր:

Իսկ թե ինչու են ԲՀԿ-ի ներսում այնուհանդերձ ապաստան գտած հայտնի շրջանակները "լսցնում" ԲՀԿ-ին, թողնում եմ ընթերցողի քաղաքական վերլուծություններին:

Հ.Գ. Իդեպ, իմ այդ կարմիր շորտիկը դեռ կա: Կարող եմ նվիրել այդ կայքի խմբագրությանը, որպես իրեղեն ապացույց :)»։